MATEUS 24:27 - BIBEL JAMITA NA DENGGAN

²⁷ Angke songon sondang ni hilap na sumiksak sian Habincaran marsinondang lalu tu Hasundutan, songon i ma parro ni Anak Ni Jolma i sogot.”

MATEUS 24:27 ပူးပေါင်းရင်းမြစ်များ

JOB 37:3

Tu langit i sudena, dipalua Ia hilapNia, ronggurNia ditongos Ia lalu tu angka ujung ni portibi.

JOB 38:35

Jana muda disuru ho angka porkas maradu sumiksak, ro ma he halahi mandok, ‘Dison do au tuan!’?

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JEHESKIEL 1:14

Angka mahluk i sandiri pe mangguloti do pahae-pahulu songon hipas ni hilap.

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

MALEAKI 3:2

Tapi ise ma he na tahan di ari haroroNa i? Jana ise ma na tahan jongjong hatiha dipataridahon Ia diriNa? Angke songon api ni panopa do Ia, jana songon sabun ni panyabun.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 24:26

Muda didok halak tu hamu, ‘Ligi hamu ma, disadu do Ia di halongonan an!’ Ulang hamu kehe tusi. Sanga pe muda didok halahi, ‘Beta ma taligi, martabuni do Ia dison!’ Ulang haporsayai.

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 24:37

Songon di hatiha ni si Noak, songon i ma saulahon pangalahona, muda ro Anak Ni Jolma i.

MATEUS 24:39

Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

JAKOBUS 5:8

Hamu pe angkon laing sobar do jana margodang ni roha, harana madung donok ari haroro ni Tuhan i.

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”