MATEUS 24:24 - BIBEL JAMITA NA DENGGAN

²⁴ Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 24:24 ပူးပေါင်းရင်းမြစ်များ

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

MATEUS 22:14

Dung i dipaujung Jesus ma umpama i markite-hite pandohan, “Bahat do nian na niontang tapi hum saotik do na tarpili.”

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

MATEUS 24:5

Angke bahat do halak na ro mamake goarKu, jana dokkonon ni halahi ma, ‘Au do Kristus!’ Paoto-otoon ni halahi ma bahat halak.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

JOHANNES 4:48

Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 6:39

Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.

BAENON NI ANGKA RASUL 20:16

Na dung jolo didok si Paulus hian do, na so pola maradian ia di Epesus, anso ulang mabahattu abis ari-ari i di Asia. Diopop ia do anso satibu-tibuna ia lalu tu Jerusalem di Ari Pesta Pentakosta.

SURAT NI SI PAULUS TU PARLAGUTAN ROM 12:18

Intap ni na tarbaen, mardame ma ngolumunu tu halak sudena.

GALATIA 4:15

I noma jop ni rohamunu hatiha i. Hape saonnari, ma di dia hamogaanmunu i? Huoku do anggo di hatiha i salang mangholuk matamunu sandiri rade do hamu anso lehenonmunu di au sugari tarbaen songon i.

PANGARATAION 13:1

Ampot adong sada panurirang sanga sada halak na sai tagi patorangkon nipi manjanjihon tanda hahomangan

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

2 PETRUS 3:17

Tapi anggo hamu angka dongan na nihaholongan, madung diboto hamu taringot tusi. Hara ni i, jonggor ma hamu, anso ulang jabat tarela-ela hamu tu haliluon ni angka halak na so mananda parenta ni Debata, anso ulang madabu hamu sian ojahanmunu i.

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

1 JOHANNES 2:22

Anggo pargabus i, i ma halak na mandok, na so tutu do Jesus i Kristus na nijanjihon ni Debata i. Musu ni Kristus do halahi: nada dioku ia Ama i sanga pe Anak i.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.