MATEUS 24:17 - BIBEL JAMITA NA DENGGAN

¹⁷ Sanga ise na di ginjang tarup ni bagas ulang be ia mijur mambuat barang-barangnia tu bagas i.

MATEUS 24:17 ပူးပေါင်းရင်းမြစ်များ

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!

MATEUS 24:16

Muda tulus ma i, angkon marlojongi ma halak na di Judea tu dolok-dolok an.

MATEUS 24:18

Halak na topet di padang, ulang be mulak laho mambuat abitnia.

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

LUKAS 12:3

Na nihobarkonmunu di na golap, habegean do i di na torang; jana na nihusipkonmunu tu pinggol ni halak di bagasan bilik na nitutup, nibaritahon ma i sian bungkulan ni bagas.”

LUKAS 5:19

Tapi hara ni bahat ni halak disi, gabe nada taroban halahi bayo i tu bagasan. Jadi dioban halahi ma ia tu tarup ni bagas i. Diluak halahi ma tarup i, sian i ma ditantan halahi ia rap dohot podomanna i tu jolo ni Jesus di tonga-tonga ni halak na bahat i.

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

PANGARATAION 22:8

Muda pajongjong bagas hamu, angkon baenonmunu do handang humaliang tarupna i. Gabe nada hamu be martanggung jawab ampot adong sanga na ise na madabu sian tarup i lalu mate.

1 SAMUEL 9:25

Dung salpu i, manuat ma halahi sian inganan paribadatan i laho masuk tu kota i. Dibaen ma podoman ni si Saul di tarup ni bagas i,