MATEUS 24:11 - BIBEL JAMITA NA DENGGAN

¹¹ Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:11 ပူးပေါင်းရင်းမြစ်များ

MATEUS 24:12

Mangararati ma hajahatan, gabe bahat ma halak inda marholong ni roha be.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 24:5

Angke bahat do halak na ro mamake goarKu, jana dokkonon ni halahi ma, ‘Au do Kristus!’ Paoto-otoon ni halahi ma bahat halak.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

BAENON NI ANGKA RASUL 20:30

Salang sian tonga-tongamunu sandiri pe, tarida ma angka halak sidok hata na so tutu. Anso gabe lilu sanga ise na dung porsaya tu Jesus jana mangihut tu halahi, i do tujuan ni halahi.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

1 JOHANNES 2:18

Hamu angka dakdanakku, hatiha na parpudi do saonnari, songon na dung dibege hamu, giot ro ma musu ni Kristus i, jana madung mur bahat musu ni Kristus i saonnari; i ma tandana na hatiha parpudi do saonnari.

1 JOHANNES 2:26

Na husurat on, i ma taringot tu angka halak na sai giot paoto-otohon hamu.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.