Sanoli posi ma marnyae si Elisa, jana ro ma Raja Joas mangaligi ia. Dung diida ia na giot mate noma si Elisa, tangis ma raja i jana didok ia ma, “Amang, Amang, pangondian godang ni Israel.”
Disi diida si Elisa manigor marsurak ma ia, “Amang Elia! O Amang! Halak na godang di Israel! Nada adong be ho!” Jadi mago ma si Elia sian parnidaan ni si Elisa. Hara ni marsakna disibakkon si Elisa ma jubania bola dua.
Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’
Haru songon i pe jahatmunu, laing diboto hamu do mangalehen na denggan tu dakdanakmunu, mur Amangmunu na di banua ginjang i ma. Tontu lehenonNia do angka na denggan i di halak na mangido tuSia!
Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.
Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.
Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.