MATEUS 23:5 - BIBEL JAMITA NA DENGGAN

⁵ Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 23:5 ပူးပေါင်းရင်းမြစ်များ

2 RAJA-RAJA 10:16

laing didok ia muse ma, “Beta ma anso diida ho sandiri sanga na bia hubaen laho mangoloi Tuhan.” Jadi rap markareta ma halahi tu Samaria.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

PODA 3:3

Sai totop ma ho marholong ni roha jana pangalahomu pe setia tu Debata dohot tu donganmu. Paingot-ingot ma i jana simpan di bagasan rohamu,

HAMALIMON 13:32

Di ari na papituhon, angkon paresoon ni malim i ma na mahancit i mangulahi, muda nada manamba na mahancit i dohot angka obuk na disi nada pola gorsing, dung i nada pola umbagas na mahancit i sian sibuk humaliangna,

MATEUS 9:20

Jadi laing ihut muse ma manigor sada anak boru na marnyae dua bolas taon sai ro pantang ni bulanna. Dipadonok ia ma tu Jesus laho manjama ujung ni baju juba ni Jesus.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 20:47

Dirugii halahi do angka na mabalu jana dirampas halahi angka bagasna i, hape dipaula-ula halahi ma lolot-lolot martangiang! Musti angkon hona uhum na dokdok halahi!”

JOHANNES 12:43

Harana holongan do roha ni halahi di hasangapan na sian jolma, ulang pado hasangapan na sian Debata.

JOHANNES 5:44

Tarbia muse ma pambaenmunu porsaya, harana na manjalahi sangap do hamu sama hamu, anggo sangap sian Debata na sasada i nada dijalahi hamu.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

PANGARATAION 11:18

Sai paingot-ingot hamu ma angka parentaNa i jana haholongi hamu. Tambatkon ma i di tanganmunu jana lilitkon di bohimu baen parningotan.

PANGARATAION 22:12

Baen hamu ma rambu-rambu ni pakeanmunu di ujungna na opat i.”

PANGARATAION 6:8

Tambatkon ma i di tanganmu jana lilitkon di bohimu baen sipaingot-ingoton.

PILIPPI 1:15

Tutu do nian adong deba sian halahi na manjamitahon Kristus hara ni na mangiburu bope hara ni na marsalisi, tapi anggo deba hara ni burju ni roha do manjamitahon Kristus i.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.