MATEUS 23:39 - BIBEL JAMITA NA DENGGAN

³⁹ Au mandok tu ho: Mamungka sian on nada idaonmu be Au lopus didok hamu, ‘Sai dilehen Debata ma pasupasu di na ro mangasahon goar ni Tuhan.’ ”

MATEUS 23:39 ပူးပေါင်းရင်းမြစ်များ

MASMUR 118:26

Dipasupasu ma ia na ro di bagasan goar ni Tuhan, hami pasupasu ma hamu sian Bagas Ni Tuhan.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

JOHANNES 8:56

Na jopan do roha ni si Abraham amangmunu i laho marnida aringKu. Madung diida Ia i jana jop rohaNia!”

JOHANNES 8:24

Hara ni i do umbaen na Hudok tu hamu, angkon mate hamu di bagasan angka dosamunu. Jana tutu do i angkon mate hamu di bagasan angka dosamunu, anggo laing na so porsaya hamu, ‘Au do ibana’.”

JOHANNES 8:21

Didok Jesus dope tu halahi, “Kehe ma Au jana jalahanmunu ma Au, tapi mate ma hamu di bagasan dosamunu. Tu inganan hakeheanKu, nada tarbaen hamu ro tusi.”

LUKAS 17:22

Dung i didok Jesus ma tu angka anak siseanNia, “Na ro ma hatihana, na malungun hamu sugari idaonmunu ma sada sian angka ari ni Anak Ni Jolma i, tapi nada idaonmunu i.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?