MATEUS 23:34 - BIBEL JAMITA NA DENGGAN

³⁴ Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

MATEUS 23:34 ပူးပေါင်းရင်းမြစ်များ

2 RAJA-RAJA 21:10

Jadi gabe didok Tuhan ma marhite angka panurirang, angka naposoNa songon on,

2 JUJUR TAON 24:21

Tapi mambaen kompolotan ma rayat i mangalo si Zakaria, jana dohot do Raja Joas di bagasan kompolotan i. Nada diingot ia be jasa-jasa dohot haburjuon ni si Joyada amang ni si Zakaria i. Diparentahon raja i ma anso didangguri si Zakaria dohot batu lopus mate di alaman ni Bagas Ni Debata. Di na laho tos hosania, pio-pio ma si Zakaria, “Sai diida Tuhan ma pambaenanmon jana dibaloskon Ia!”

PODA 11:30

Halak na daulat tarjamin do ngoluna; jolma na bisuk martamba do parkarejona.

JEREMIA 26:8

Disi hupabotohon sude tona ni Tuhan songon na niparentahonNia i tu au, manigor ditangkup halahi ma au lalu marsurahi halahi, “Angkon mate ho!

JEREMIA 36:26

Mur disuru do tehe si Jerahmeel anak ni raja i rap dohot si Seraya anak ni si Asriel dohot si Selemia anak ni si Abdiel anso manangkup au dohot si Barukh juru tuliski. Tapi ditabunihon Tuhan hami.

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 23:31

Jadi, dioku hamu sandiri do, pomparan ni angka sibunu panurirang hamu!

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 11:27

Jadi marroan ma angka panurirang sian Jerusalem hatiha i tu Antiokia.

BAENON NI ANGKA RASUL 12:2

Hara ni parentania, dibunu ma si Jakobus anggi ni si Johannes dohot podang.

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.

BAENON NI ANGKA RASUL 14:19

Jadi ro ma halak Jahudi tu Listra sian Antiokia na di Pisidia songon i na sian Ikonium mangirang-irangi halak na bahat i anso mamihak tu halahi. Didangguri halahi ma si Paulus dohot batu, dung i disarat halahi ma ia tu balian ni kota i. Diambang halahi na dung mate ia,

BAENON NI ANGKA RASUL 15:32

Honok do si Judas dohot si Silas panurirang i mangkobari dohot angka dongan na porsaya i di Antiokia laho pagomos roha dohot patoguhon roha ni halahi.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

1 KORINTUS 2:6

Haru pe songon i, anggo tu halak na dung togu haporsayaanna, laing huhobarkon do nian taringot tu hamaloan. Tapi nada hamaloan ni portibi on sanga hamaloan ni angka na markuaso di portibi on. Harana mago do kuaso ni halahi i.

1 KORINTUS 3:10

Hara ni hamaloon na nilehen ni Debata di au, songon tukang bagas na malo madung sidung hubaen ojahan ni bagas i, jana halak na asing do pajongjongkon bagas di ginjang ni ojahan i. Angkon jolo tangkas do parrohahonon ni tukang i sanga songon dia bagas na giot pajongjongonnia i di ginjang ni ojahan i.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.