MATEUS 23:27 - BIBEL JAMITA NA DENGGAN

²⁷ Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

MATEUS 23:27 ပူးပေါင်းရင်းမြစ်များ

PODA 26:23

Songon hudon tano na disopu dohot perak, songon i ma halak parhata lancap tapi marroha na jat.

BILANGAN 19:16

Muda adong manjama bangke ni jolma na dibunu sanga na mate di ladang songon parmate na somal, sanga muda adong manjama kuburan sanga holi-holi ni na mate gabe ramun do pitu ari honokna.

MATEUS 23:28

Laing songon i ma hamu. Anggo idaon nian sian duru, denggan ma hamu tu halak. Hape anggo di bagasan na so labo do hamu, gok pangalaosion.”

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

BAENON NI ANGKA RASUL 23:3

Dung i didokkon si Paulus ma mandok ia, “Tampelengon ni Debata ma ho, ale tembok na nihapuran! Umbaen na juguk pe ho dison, na giot manguhumi au do mangihutkon Tona i, tapi madung dilaosi ho Tona i markite-hite na nisurumu manampeleng au.”

GALATIA 6:12

Halak na giot patujolohon dirina di angka pangalaho na tarida, halahi do na mamaksa hamu mangihutkon paraturan ni sunat. Tapi dibaen halahi pe songon i, hum anso ulang dimusui halak Jahudi do halahi hara ni silang ni Kristus i.