MATEUS 23:24 - BIBEL JAMITA NA DENGGAN

²⁴ Angka pamimpin na mapitung do hamu! Lanok na di panginumanmunu do disaring hamu hape unto dibondut hamu!

MATEUS 23:24 ပူးပေါင်းရင်းမြစ်များ

JESAYA 9:16

Madung dipalilu jana digaor angka pamimpin ni bangso i rayat i.

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 19:24

Jana Hupaboa muse dope on di hamu; ummuraan dope unto mamolus sian lubang ni jait, ulang pado halak na kayo laho masuk tu Harajaan Ni Debata.”

MATEUS 23:16

Marjaya ma angka pamimpin na mapitung! Diajarkon hamu ma songon on, ‘Muda marsumpa halak mangasahon Bagas Ni Debata, gabe inda tarihot ia tu sumpania i, tapi muda marsumpa ia mangasahon sere na di Bagas Ni Debata i, gabe tarihot ma ia tu sumpania i.’

MATEUS 7:4

Patut ma he puluk ho mandok tu donganmu, ‘Dia tuson anso huendat bancir-bancir i sian bagasan matami,’ hape di bagasan matamu sandiri adong dope na sabalok na godang?

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 18:40

Dialusi halahi ma marsurak-surak, “Nada! Indangkon sai palua i! Si Barabbas ma palua!” Panyamun do si Barabbas on.

HALUMBAAN 12:16

Tapi diurupi tano on ma ia; diungkap tano i ma babana jana diincop ia ma aek na ruar sian baba ni naga i.