MATEUS 23:2 - BIBEL JAMITA NA DENGGAN

² “Juguk do angka Siboto Surat dohot halak Parise, di juguhan ni si Musa.

MATEUS 23:2 ပူးပေါင်းရင်းမြစ်များ

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 23:3

Hara ni i, angkon oloanmu jana ihutkononmunu do sude na nisuruhon ni halahi baenonmunu. Tapi ulang baen hamu songon na nibaen ni halahi. Harana nada didalankon halahi na niajarkon ni halahi.

MARKUS 12:38

Didok Ia disi, “Jamot ma hamu adop angka Siboto Surat i. Na torus do halahi mardalan-dalan mamake baju na ginjang. Na jopan do muse roha ni halahi muda ditabi halak di poken.

LUKAS 20:46

“Manat ma hamu maradopkon angka Siboto Surat. Na jopan roha ni halahi mardalani mamake baju juba na gabar gebur, na jopan muse roha ni halahi ditabi halak di pasar an. Na tagian halahi mamili-mili angka inganan ni halak na godang di angka bagas paribadatan dohot angka karosi ni halak na sangap di angka pesta.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.