MATEUS 23:18 - BIBEL JAMITA NA DENGGAN

¹⁸ Diajarkon hamu dope songon on, ‘Muda marsumpa halak mangasahon sisombahononkon na di ginjang ni langgatan parkaulan i, gabe tarihot ma ia tu sumpania i.’

MATEUS 23:18 ပူးပေါင်းရင်းမြစ်များ

2 JUJUR TAON 6:22

“Muda adong halak na hona tuhas marsala maradopkon halak na asing jana dioban tu langgatanMu na di bagasan bagas paribadatan on laho marsumpa bahaso na so marsala ia,

BILANGAN 30:2

“Muda adong sada halaklahi na marniet mangalehen bagi na aha tu Tuhan sanga mamantangkon sanga aha pe, angkon patuluson ni halahi do sude na nijanjihonna i, nada tola mose ia sian janjinia.

MATEUS 23:16

Marjaya ma angka pamimpin na mapitung! Diajarkon hamu ma songon on, ‘Muda marsumpa halak mangasahon Bagas Ni Debata, gabe inda tarihot ia tu sumpania i, tapi muda marsumpa ia mangasahon sere na di Bagas Ni Debata i, gabe tarihot ma ia tu sumpania i.’

MATEUS 23:17

Na oto do hamu, angka na mapitung ma antong! Dia do ummarga sere i ulang pado Bagas Ni Debata na paiaskon sere i?

MATEUS 23:19

Na santak ma antong pitungmunu! Dia do na ummarga? Na nisombahon i do sanga inganan parkaulan i na mambaen ias na nisombahon i?

MARKUS 7:11

Tapi anggo hamu songon on do diajarkon hamu: Muda adong sada-sada halak na mandok tu amangna dohot tu inangna: Aha na adong di au, na patut baenonku tu ho, madung huhaulkon i tu Debata.

GALATIA 5:3

Sanoli nari hupaingot sanga ise na mangido marsunat, angkon dalankononna do sudena Tona i.