MATEUS 23:14 - BIBEL JAMITA NA DENGGAN

¹⁴ Marjaya ma hamu angka Siboto Surat dohot hamu halak Parise: Pangalancap do hamu! Dijalahi hamu do akal laho paoto-otohon dohot mambuat bagas ni angka ina na mabalu. Tar dibaen-baen hamu ma martangiang ginjang-ginjang laho manutup-nutupi i. I ma umbaen na angkon umborat uhuman tu hamu!]

MATEUS 23:14 ပူးပေါင်းရင်းမြစ်များ

JOB 22:9

Nada diurupi ho angka na mabalu, salangkan na tinggal menek pe laing diparhanciti ho.

JOB 31:16

Inda jungada na so ra au manolong halak na bile, sanga padiarkon angka na mabalu mangolu di na mandele.

HARURUAR 22:22

Ulang nibaen roha-roha tu na mabalu sanga tu na tinggal menek.

MATEUS 11:24

Tapi Hudok ma tu hamu, ‘Numayang do uhuman na tu tano Sodom di ari panguhuman i, ulang pado tu ho!’ ”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MARKUS 12:40

Angka na mabalu dipaoto-oto halahi muse laho mambuat bagasna i. Ginjang-ginjang dibaen halahi hata ni tangiang ni halahi laho manutup-nutupi hajahatan ni halahi i. Na boratan do saulahon uhuman tu halahi!”

LUKAS 12:48

Tapi anggo naposo na so umboto hagiot ni tuanna, dung i dibaen ia na sala mambaen angkon nisambok ia, asok do panyambokna tu naposo i. Angke halak na dung dilehen bahat, bahat muse do dituntut sian ia. Jana halak na dung gabe hasahatan ni bahat pos ni roha, bahat muse do dituntut sian ia.”

LUKAS 20:47

Dirugii halahi do angka na mabalu jana dirampas halahi angka bagasna i, hape dipaula-ula halahi ma lolot-lolot martangiang! Musti angkon hona uhum na dokdok halahi!”

2 TIMOTEUS 3:6

Adong do deba sian halahi na dung manyisip masuk tu bagas ni halak, manarik roha ni angka dadaboru na gale, na bahat dosana jana na nirajaan ni hagiot na marrupa-rupa.

TITUS 1:10

Harana bahat do halak na so ra mangoloi, lumobi na marugamo Jahudi hian; dipalilu-lilu halahi do halak na asing markite-hite hata-hata ni halahi na so marguna.

JAKOBUS 3:1

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.