MATEUS 23:13 - BIBEL JAMITA NA DENGGAN

¹³ “Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:13 ပူးပေါင်းရင်းမြစ်များ

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

ZAKARIA 11:17

Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”

MATEUS 23:16

Marjaya ma angka pamimpin na mapitung! Diajarkon hamu ma songon on, ‘Muda marsumpa halak mangasahon Bagas Ni Debata, gabe inda tarihot ia tu sumpania i, tapi muda marsumpa ia mangasahon sere na di Bagas Ni Debata i, gabe tarihot ma ia tu sumpania i.’

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

MATEUS 23:25

Marjaya ma hamu angka Siboto Surat dohot halak Parise! Pangalancap do hamu! Dibasui sian duru angka mangkuk dohot pingganmunu, hape anggo sian bagasan sun do dursunna dibaen angka na dapot hamu markite-hite gogo dohot gabus.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

MATEUS 23:29

“Marjaya ma hamu angka Siboto Surat dohot halak Parise! Pangalancap do hamu! Jeges-jeges dibaen hamu kuburan ni angka panurirang i, digorgai hamu angka tugu parningotan di halak na denggan ngoluna.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

LUKAS 11:52

Marjaya ma hamu angka Siboto Surat, angke madung dibuat hamu anak kunci ni parbinotoan, hape hamu sandiri pe nada ra masuk tu bagasan, gariada tehe diolat hamu do angka na giot masuk tu bagasan!’ ”

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:24

Dung i dipiohon halahi ma mangulahi na sorang mapitung i hian, jana didok halahi ma tusia, “Oku ma di jolo ni Debata paboa ma dohot tigor, angke hami boto pardosa do Bayo i.”

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

BAENON NI ANGKA RASUL 13:8

Hape dialo si Elimas parelmu i ma si Barnabas dohot si Saulus. Diusahohon si Elimas ma (i ma goarnia di hata Junani) anso ulang sanga porsaya gubernur i tu Jesus.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

BAENON NI ANGKA RASUL 8:1

Mamungka sian ari i masa ma pangayakayakon na godang di parlagutan na di Jerusalem, jadi marserak ma sude angka na porsaya i, hum angka rasul i noma na tinggal rap. Sarsar ma halahi tu sude Luat Judea dohot tu Samaria bage.

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

2 TIMOTEUS 4:15

Ho pe angkon manat do ho tu bayo i, angke manggogo situtu do ia mangalo jamitanta.