MATEUS 23:11 - BIBEL JAMITA NA DENGGAN

¹¹ Halak na sumangap sian hamu angkon gabe pangoloimunu do.

MATEUS 23:11 ပူးပေါင်းရင်းမြစ်များ

MATEUS 23:10

Dung i muse, ulang ra hamu dipio halak ‘Kapala’, harana hum sada do Kapalamunu i ma Kristus na nijanjihon ni Debata i.

MARKUS 9:35

Juguk ma Jesus. Jadi dipiohon Ia ma anak siseanNia na dua bolas halak i. Didok Ia ma tu halahi, “Sanga ise na giot parjolo, angkon ia ma parpudi jana na gabe pangoloi ni sude halak.”

1 KORINTUS 9:19

Nada hatoban ni halak au; halak na malua do au. Tapi haru songon i pe, hubaen do au gabe hatoban ni sude halak. Hubaen pe songon i anso tarhamonangkon au do halak sabahat-bahatna di Kristus i.

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.