MATEUS 22:9 - BIBEL JAMITA NA DENGGAN

⁹ Saonnari, kehe ma hamu tu angka dalan godang. Sanga na sadia bahat halak na marsuo dohot hamu disi, ontang hamu ma halahi tu horja haroan boru on.’

MATEUS 22:9 ပူးပေါင်းရင်းမြစ်များ

JEHESKIEL 21:21

Jongjong ma raja ni Babel di lambung papan tudu-tudu ni dalan i. Laho manontuhon sanga dalan dia na giot bolusonnia, sapaannia do i gana-ganaannia, hursuhonnia pana jana paresoonnia ate-ate ni binatang na baru dipelehon.

OBAJA 1:14

Nada pola angkon sai jongjong ho di sirpang ni dalan i, laho mangambat angka jolma na marlojong paluahon dirina sian musu, jana pasahatkon halahi tu musu taran didondoni hasusaan halahi di ari i.”

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

MATEUS 22:10

Gabe kehe ma antong angka naposonia i. Tu angka dalan godang ma halahi kehe palagutkon halak sude na marsuo dohot halahi disi. Halak na burju dohot na jahat pe. Gabe gok ma bagas parhorjaan i dibaen angka tamu i.

MATEUS 22:8

Dung i dipio ia ma angka naposonia didok ia ma, ‘Ma rade horja parbagason i hape inda tumbuk angka na niontang i.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!