MATEUS 22:5 - BIBEL JAMITA NA DENGGAN

⁵ Hape inda ditangihon halak na niontang i soso-soso i. Tapi marmorotan do halahi tu karejona. Adong na kehe tu ladangna, na deba tu parusahoanna;

MATEUS 22:5 ပူးပေါင်းရင်းမြစ်များ

PAMUNGKAAN 19:14

Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.

PAMUNGKAAN 25:34

Dung i dilehen si Jakob ma tusia roti dohot ingkayu i deba. Mangan ma si Esau jana minum lalu kehe ma ia. Songon i ma nayang ni roha ni si Esau di haknia songon anak siangkaan.

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 22:4

Dung i disuru raja i ma angka naposonia na asing. Ditonai raja i ma halahi: ‘Paboa hamu ma tu angka na niontang i: Madung singkop horja ni anakki. Angka lombu jantan dohot angka pahan-pahanan na jumeges madung nisambolan. Madung rade sude. Ro be ma hamu tu horja parbagason i!’

MATEUS 22:6

na asing i ditangkup halahi muse dope angka naposo ni raja i. Dung dibalbali, dibunu ma halahi.

JOHANNES 2:16

Dung i didok Ia ma tu panggadis darapati i, “Oban hamu sude unggas i. Ulang baen hamu gabe inganan parjagalan Bagas Ni Damang!”

BAENON NI ANGKA RASUL 2:13

Tapi adong do sian halahi na mangincahi. Didok halahi ma, “Ah, na mabuk dibaen anggur na tonggi do halak on!”

BAENON NI ANGKA RASUL 24:25

Tapi di na nipajojornia taringot tu haburjuon dohot hatomanon songon i dohot taringot tu Ari Parpudi, gabe mabiar ma si Peliks. Didok ia ma tu si Paulus, “Saonnari madung tola ho mulak. Hupio pe ho sanga andigan habolasan,” ning ia.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

2 TIMOTEUS 3:4

Hum na giot manghianat noma jolma i, nada ginjang marpikir jana bulbul. Gumonan do di halahi hasonangan ni portibi on ulang pado mangihutkon Debata.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.