MATEUS 22:40 - BIBEL JAMITA NA DENGGAN

⁴⁰ Sude Tona ni ugamo na nilehen ni si Musa dohot angka panurirang, marharoroan sian tona na dua on do i.”

MATEUS 22:40 ပူးပေါင်းရင်းမြစ်များ

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

1 TIMOTEUS 1:5

Anggo tujuan ni sipaingot i, i ma laho manyungguli holong ni roha na polin sian roha na ias dohot haporsayaan na tutu situtu.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”