MATEUS 22:30 - BIBEL JAMITA NA DENGGAN

³⁰ Angke muda dung dipangolu mangulahi angka na dung mate, nada marbagas be halahi mangulahi. Tapi songon parngoluon ni angka surusuruan noma ngolu ni halahi di banua ginjang.

MATEUS 22:30 ပူးပေါင်းရင်းမြစ်များ

MASMUR 103:20

Puji ma Tuhan, hamu ale angka surusuruan na marsahala, na manangihon dohot na mangoloi parentaNa.

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 22:31

Na so unjung dope disise hamu na nidok ni Debata taringot tu halak na mate na nipangolu mangulahi? Didok Debata do,

MATEUS 24:38

Taran so ro banjir na godang i, mangan minum do halak, marbagas dohot pabagaskon lopus tu ari parmasuk ni si Noak tu kapal i.

LUKAS 17:27

Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.