MATEUS 22:3 - BIBEL JAMITA NA DENGGAN

³ Disuruhon raja i ma angka naposona laho mangalap angka halak na niontangnia tu horja i. Hape inda ra ro angka na niontangna i.

MATEUS 22:3 ပူးပေါင်းရင်းမြစ်များ

MASMUR 68:11

Dibaen Tuhan ma tanda panggora, jadi dioban angka dadaboru ma barita:

JESAYA 30:15

Tuhan Debata, Debata Na Badia ni Israel, mandok tu bangsoNia, “Manopoti sala ma hamu tu Au, gabe paluaonKu ma hamu. Haporsayai hamu ma Au di bagasan roha na sonang, gabe pargogoanKu ma hamu.”

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

MATEUS 21:34

Dung dapot hatihana mamutik batu ni anggur i, disuruhon partano na bidang i ma angka naposonia mandapotkon angka na mamola kobun i laho manjagit bolaanna.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

LUKAS 15:28

I noma murukna anak siangkaan i, gabe nada ra ia masuk tu bagas. Jadi ruar ma simatobangnia i laho mangkatai dohot ia.

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

JOHANNES 5:40

Hape nada ra hamu ro tu Au laho manjagit hangoluan na so mantak.

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

SURAT NI SI PAULUS TU PARLAGUTAN ROM 10:21

Tapi anggo taringot tu halak Israel didok ia do, “Songon on ma pandok ni Debata, ‘Husurduhon do tanganKu sasadari tu sada bangso sijogal roha jana na tangkang.’ ”

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 9:15

Jadi hara ni i do dibaen Debata sada janji na imbaru markite-hite Kristus, anso maruli pasupasu na so ra mantak angka halak na nipiohon ni Debata, i ma pasupasu na dung nijanjihon ni Debata. Tulus pe sudena i hara ni na dung adong do na mate, i ma Kristus; jana dipalua hamamateNia i ma halak sian angka hasalaan na nibaen ni halahi dompak margogo janji na parjolo i.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!