MATEUS 22:19 - BIBEL JAMITA NA DENGGAN

¹⁹ Patidahon hamu ma jolo tu Au hepeng na nilehenmunu manggarar pajak!” Jadi dilehen halahi ma sada hepeng perak tuSia.

MATEUS 22:19 ပူးပေါင်းရင်းမြစ်များ

MATEUS 17:25

Dialusi si Petrus ma, “Manggarar!” Jadi dung mulak si Petrus, inda didok ia dope sanga na aha manigor didok Jesus ma tusia, “O, Simon! Bia do ninna rohamu? Ise do sigarar pajak sanga bea tu angka raja na di tano on? Rayat i do sanga halak na asing?”

MATEUS 18:28

“Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

MATEUS 20:2

Jadi dung sada rohania manggarar upa ni parkarejo i sada hepeng perak sadari, disuruhon ia ma halahi markarejo di kobun anggurnia i.

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 22:20

Dung i disapai Jesus ma tu halahi, “Gambaran ni bohi ni ise do i? Goar ni ise do na tarsurat disi?”

MARKUS 12:16

Dilehen halahi ma sada hepeng perak i. Dung i disapai Jesus ma, “Gambar dohot surat ni ise do on?” “Kesar i!” ning halahi mangalusi.

HALUMBAAN 6:6

Jadi hubege ma tarsongon sora na pio-pio sian tonga-tonga ni mahluk siopat-opat i. Ninna sora i ma, “Satuhul eme argana sabahat ni upa sadari jana tolu tuhul jaung pe argana tong sabahat ni upa sadari. Tapi ulang nisego-sego angka miak dohot anggur!”