MATEUS 22:18 - BIBEL JAMITA NA DENGGAN

¹⁸ Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 22:18 ပူးပေါင်းရင်းမြစ်များ

MATEUS 12:15

Diboto Jesus do na jahat roha ni halak Parise i maradopkon Ia. Dipamalum Ia ma sanga ise sian halahi na marnyae.

MATEUS 19:3

Jadi ro ma da halak Parise laho manjalak-jalahi hasalaanNia. Disapai halak Parise i ma Ia, “Diisinkon Tona ni ugamonta dehe manyirangkon boru roha-rohaniba sajo?”

MATEUS 22:17

Jadi hara ni i, paboa ma jolo taringot tuson: Tola dehe mangihutkon Tona ni ugamo Jahudi manggarar pajak tu Kesar Rom sanga nada?”

MATEUS 22:19

Patidahon hamu ma jolo tu Au hepeng na nilehenmunu manggarar pajak!” Jadi dilehen halahi ma sada hepeng perak tuSia.

MARKUS 12:5

Disuru nampuna kobun i ma mangulahi sahalak naposonia na asing. Tapi dibunu halahi ma naposonia i. Laing songon i ma pambaen ni halahi tu angka naposo na asing i muse. Adong ma na dibalbali ni halahi, adong na dibunu.

MARKUS 2:8

Manigor diboto Jesus do pikiran ni halahi i. Didok Ia ma tu halahi, “Biasi songon i pikiranmunu?

LUKAS 10:25

Dung i jongjong ma sahalak Siboto Surat laho mangunjuni Jesus, ning ia ma manyapai, “Guru, aha ma he sibaenonku anso dapot au ngolu na manongtong?”

LUKAS 20:23

Hape diboto Jesus do tipu akal ni halahi gabe didok Ia ma,

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

LUKAS 9:47

Diboto Jesus do pikiran ni halahi, jadi dipiohon Ia ma sada dakdanak, dipajongjong Ia ma di lambungNia.

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

JOHANNES 8:6

Disapai halahi pe songon i na giot padapotkon hasalaan ni Jesus do halahi. Tapi dipaunduk Jesus do jana disurat Ia tano i dohot jari-jariNia.

BAENON NI ANGKA RASUL 5:9

Dung i didok si Petrus ma tusia, “Biasi dehe satahi hamu giot manguji Tondi Ni Tuhan i? Ligi ma indi, ma mulak halahi na mananom halaklahimi. Obanon ni halahi muse ma ho tu balian.”

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.