MATEUS 22:17 - BIBEL JAMITA NA DENGGAN

¹⁷ Jadi hara ni i, paboa ma jolo taringot tuson: Tola dehe mangihutkon Tona ni ugamo Jahudi manggarar pajak tu Kesar Rom sanga nada?”

MATEUS 22:17 ပူးပေါင်းရင်းမြစ်များ

ESRA 4:13

Anggo jabat do lalu sidung dipajongjong, indangkon na ra be halak na maringanan disi manggarar pajak. Jadi gabe murak ma pandapotan ni harajaan.

ESRA 7:24

Nada tola buatonmunu pajak sian angka malim, halak Levi, parende, panjago pintu horbangan, parkarejo, sanga sian ise sajo na adong hubunganna dohot Bagas Ni Tuhan.

NEHEMIA 5:4

Jana adong muse dope na mandok, “Ma manginjam hepeng hami laho palunaskon pajak na nitontuhon ni raja, i ma pajak ni ladang dohot kobun anggurnami.

NEHEMIA 9:37

Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

JEREMIA 42:20

na dung mambaen hasalaan na godang do hamu. Dipangido hamu anso martangiang au tu Tuhan Debatanta i salaho tu hamu, jana marjanji do hamu laho patuluskon sude na nidok ni Tuhan i.

MATEUS 17:25

Dialusi si Petrus ma, “Manggarar!” Jadi dung mulak si Petrus, inda didok ia dope sanga na aha manigor didok Jesus ma tusia, “O, Simon! Bia do ninna rohamu? Ise do sigarar pajak sanga bea tu angka raja na di tano on? Rayat i do sanga halak na asing?”

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

LUKAS 20:22

Tola dehe hami manggarar pajak tu Kesar sanga nada?”

LUKAS 3:1

Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

BAENON NI ANGKA RASUL 17:7

jana madung dijagit si Jason on halahi di bagasnia. Sude do halahi mangalo aturan ni Kesar, harana didok halahi, adong dope raja na asing na margoar Jesus.”

BAENON NI ANGKA RASUL 25:8

Dialusi si Paulus ma, “Sada pe nada adong hubaen na sala, bope maradopkon Tona ni halak Jahudi, bope maradopkon Bagas Ni Debata, sanga pe maradopkon Kesar.”

BAENON NI ANGKA RASUL 28:22

Tapi hami pe, giot begeonnami do nian taringot tu haporsayaanmunu, harana madung sude hami umbege na so tumbuk do di halak poda na nitiopmu,” ninna halahi.

BAENON NI ANGKA RASUL 5:37

Jadi dung i, di na masa sensus, ro muse ma si Judas, halak Galilea i. Bahat do halak diela-ela ia giot mambaen hagaoran, hape hona bunu do jana marserak do sude na mangihutkon ia.