MATEUS 22:13 - BIBEL JAMITA NA DENGGAN

¹³ Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

MATEUS 22:13 ပူးပေါင်းရင်းမြစ်များ

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 37:12

Parjahat i martahi na jahat, jana magigi do Ia paida-ida halak na daulat.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

DANIEL 3:20

Dung i disuru ia ma piga-piga halak sian tentarania na sun gogona laho manambat si Sadrakh, si Mesakh dohot si Abednego, lalu mangambungkon halahi tu bagasan purunan api na milas i.

MATEUS 12:29

Bia ma pambaen ni halak masuk tu bagas ni sada halak na gogo laho mangarampas sinadongannia? Inda he jolo diihoti ia do halak na gogo i? Dung diihoti ia pe baru anso tarrampas ia sinadonganna i.

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 24:51

Tontu balbalon ni tuan i ma i so mangantarai, sarupahonon ni tuan i muse ma ia tu halak pangalancap. Disi ma adong andung-andung dohot na patungaripon.”

MATEUS 25:30

Ambungkonon ma naposo na so hasaya i tu hagolapan parbalian. Disi ma ia tangis patungaripon!’ ”

MATEUS 8:12

Hape anggo na patut hian gabe parsidohot di Harajaan i, ambungkononkon ma tu hagolapan di balian. Tangis-tangis ma halahi disi jana patungaripon.”

LUKAS 13:28

Dung diida hamu si Abraham dohot si Ishak dohot si Jakob dohot sude angka panurirang marsonang-sonang di Harajaan Ni Debata, gabe tangis ma hamu jana mardangol situtu angke anggo hamu sandiri ambungkonon do tu ruar!

JOHANNES 21:18

Tutu do na Hudok on tu ho: Anggo dompak poso ho, dihobasi ho do dirimu jana mardalani ma ho sanga tu dia pe giotmu. Tapi muda dung matobang ho saulahon, surduhononmu ma tanganmu, jana halak na asing noma manghobasi ho jana maroban ho tu inganan na so giot ni rohamu.” (

BAENON NI ANGKA RASUL 21:11

Ro ma ia mandapotkon hami, lalu dibuat ia ma bobat ni si Paulus. Dirahuti ia ma patnia, songon i muse tangannia sandiri dohot bobat i jana didok ia ma, “On ma na nidok ni Tondi Parbadia: Rahuton ma nampuna bobat on di Jerusalem, songon on ma baenon ni halak Jahudi jana pasahatonna ma ia tu angka bangso na asing na so Jahudi,” ning ia.

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.