MATEUS 22:11 - BIBEL JAMITA NA DENGGAN

¹¹ Dung i masuk ma raja i mangaligi angka tamu i. Diida raja i ma sahalak na ro i na so marabit horja.

MATEUS 22:11 ပူးပေါင်းရင်းမြစ်များ

2 RAJA-RAJA 10:22

Dung i diparentahon si Jehu ma tu malim na mangurus angka pakean ibadat anso dilehen angka pakean i tu angka halak na marroan i na laho maribadat tu Baal. Jadi dung mardalan parenta i,

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

ANDUNG 5:22

Adong he na dung diambungkon Ho do hami songon i? Na so marbolat dehe murukMu tu hami?

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 22:10

Gabe kehe ma antong angka naposonia i. Tu angka dalan godang ma halahi kehe palagutkon halak sude na marsuo dohot halahi disi. Halak na burju dohot na jahat pe. Gabe gok ma bagas parhorjaan i dibaen angka tamu i.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 5:3

Harana muda marpamatang na imbaru do hita, nada tardapot hita di na so marpamatang.

GALATIA 3:27

Angke, sude hamu na dung nipandidihon di bagasan Jesus madung diparabit hamu Kristus i.

EPESUS 4:24

Sugari nian angkon marbako na imbaru ma ngolumunu na nitompa mangihutkon rupa ni Debata; i ma bako na sintong, na tigor dohot na badia.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.