MATEUS 21:5 - BIBEL JAMITA NA DENGGAN

⁵ “Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

MATEUS 21:5 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

2 SAMUEL 16:2

Marsapa ma si Daud tusia, “Baen aha dehe on sudena?” Dialusi si Ziba ma, “Anggo angka halode on, na giot sitenggeton ni dongan sabagas ni raja do; roti dohot parbatu on di angka naposo ni raja i, jana aek ni anggur on di angka na loja di halongonan ma on.”

1 RAJA-RAJA 1:33

didokkon raja i ma tu halahi, “Pio ma sude angka naposo ni tuanmunu on, kehe ma hamu rap dohot halahi pajuguk si Salomo anakki tu ginjang ni halodengku sandiri, dung i oban ma ia tu mual ni Batang aek Gihon.

1 RAJA-RAJA 10:26

Dibaen si Salomo ma tentarania, kareta porangna adong saribu opat ratus jana kudo porang dua bolas ribu. Dibaen ia ma i deba di Jerusalem jana na deba nari i di angka kota na asing.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 40:9

O Jerusalem, tangkohi ma dolok na gincat, jana baritahon ma jamita na denggan on. O Sion baritahon ma marsora na gogo, marsurak ma, jana ulang marganggu roha. Dokkon ma tu angka kota ni Juda. Giot ro ma Debata ni halahi.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

JEHESKIEL 34:24

Au Tuhan, gabe Debata ni halahi, jana raja na tudos tu si Daud i ma na gabe pangarajai ni halahi. Au Tuhan, madung mandok songon i.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

HOSEA 1:7

Tapi haholonganKu do halak Juda, jana paluaon halahi marhite goar ni Tuhan, Debata ni halahi. PaluaonKu do halahi, sior sanga podang, parhohas ni porang sanga kudo dohot halak na mangalombutsa.”

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

BILANGAN 24:19

Musu ni Israel sude ditaluhon nada adong na tinggal umpe sada.”

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

MATEUS 21:6

Jadi kehe ma anak siseanNia na dua i patuluskon songon na nidok ni Jesus tu halahi.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

2 KORINTUS 10:1

Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

PANGARATAION 17:16

Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.

HAKIM-HAKIM 12:14

Adong do opat pulu anaknia halaklahi jana angka pahompunia halaklahi adong tolu pulu halak. Adong be do ganop halahi halode tunggangna. Salapan taon honokna halak Israel dipimpin si Abdon.

HAKIM-HAKIM 5:10

O hamu na mangalombut halode na bontar, hamu muse na juguk di ginjang ni ambal, dohot hamu sude na mardalan pat, pajojor hamu ma barita hamonangan on, da.