MATEUS 21:34 - BIBEL JAMITA NA DENGGAN

³⁴ Dung dapot hatihana mamutik batu ni anggur i, disuruhon partano na bidang i ma angka naposonia mandapotkon angka na mamola kobun i laho manjagit bolaanna.

MATEUS 21:34 ပူးပေါင်းရင်းမြစ်များ

JESAYA 5:4

Adong dope he ulaning na so Hubaen tu kobun anggurKi? Hape biasi ma angka na mancom batuna i jana nada denggan songon na niarop ni rohaniba?

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

MATEUS 21:35

Tapi ditangkupi angka na mamola kobun i ma angka naposo ni partano na bidang i: Na sada dibalbali, na sada nari dibunu halahi, angka na asing i pe didangguri halahi do dohot batu.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MATEUS 21:40

“Bia do, muda ro nampuna kobun anggur i mulak, aha ma baenonnia tu angka na mamola i?”

MATEUS 21:41

Dialusi halahi ma, “Tontu bunuonnia ma sude angka parjahat i, dung i tu halak na asing noma dipabolahon ia kobun anggurnia i. Tu halak na ra mangalehen bolaan ni tano i tusia muda dapot hatihana,” ning halahi.

MATEUS 22:3

Disuruhon raja i ma angka naposona laho mangalap angka halak na niontangnia tu horja i. Hape inda ra ro angka na niontangna i.

MARKUS 12:1

Dung i dipungka Jesus ma marumpama laho mandok hata tu angka sintua ni malim i dohot angka Siboto Surat bope tu angka hatobangon ni halak Jahudi i. Ning Ia ma, “Adong ma sada bayo na markobun anggur. Dihandang ia ma kobun anggurnia i humaliang. Dung i dihuar ia ma pamoroan ni anggur i, dipajongjong ia muse ma sada tuhu-tuhu inganan ni panjago. Dung i dipabolahon ia ma kobun anggurnia i, ia pe kehe ma tu luat na asing.

MARKUS 12:7

Tapi marsipandohonan ma angka na markarejo i sama halahi, ‘On ma halakna na giot manean i. Tabunu ma on dison anso di hita sude siteanonnia i!’

MARKUS 12:9

Dung i disapai Jesus ma, “Antong, aha noma sibaenon ni nampuna kobun i? Ro ma ia laho mangabiskon angka na mamola i, anso dipasahat ia kobunnia i tu angka pamola na asing.

LUKAS 20:9

Dipaboa Jesus dope umpama on tu angka jolma i, “Adong ma sada bayo nampuna kobun anggur. Dipabolahon ia ma kobun i tu piga-piga halak pamola di na laho kehe ia tu inganan na asing jana disi ma ia maringanan honok sajo.