MATEUS 21:30 - BIBEL JAMITA NA DENGGAN

³⁰ Dung i kehe ma amangna i tu anaknia paduahon i mandokkon hata songon na parjolo i. Dialusi anaknia na paduahon i ma, ‘Olo amang,’ ning ia. Hape inda kehe ia.

MATEUS 21:30 ပူးပေါင်းရင်းမြစ်များ

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

MATEUS 21:29

Jadi dialusi anaknia i ma, ‘Inda ra au,’ ning ia. Tapi maruba muse ma roha ni anaknia i gabe kehe ma ia tu kobun anggur i.

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.

MATEUS 23:3

Hara ni i, angkon oloanmu jana ihutkononmunu do sude na nisuruhon ni halahi baenonmunu. Tapi ulang baen hamu songon na nibaen ni halahi. Harana nada didalankon halahi na niajarkon ni halahi.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.