MATEUS 21:26 - BIBEL JAMITA NA DENGGAN

²⁶ Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”

MATEUS 21:26 ပူးပေါင်းရင်းမြစ်များ

JESAYA 57:11

Tu ise ulaning ho humitir jana mabiar, gabe margabus ho, jana nada mangingot Au, sanga inda ditangihon ho Au. Nada he hara ni na sip jana Hupapitpit matangKu, gabe nada mabiar be ho tu Au?

MATEUS 11:9

Antong biasi kehe hamu tu halongonan? Mangaligi panurirang do? Na tutu ma i! Hudok ma di hamu, lobi-lobi sian panurirang dope si Johannes!

MATEUS 14:5

Jadi, giot bunuon ni si Herodes ma si Johannes, tapi mabiar ia mida halak. Harana, dietong roha ni halak do si Johannes songon panurirang.

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MATEUS 21:25

Sian ise do dijagit si Johannes kuasonia laho mandidihon? Sian Debata do sanga sian jolma?” Jadi marpikir ma halahi di bagasan rohana mandok, “Muda tadokkon, ‘Sian Debata’, gabe dohononNia ma tu hita: ‘Anggo songon i biasi inda porsaya hamu tu si Johannes?’

MATEUS 21:27

“Inda hami boto,” gabe ninna halahi ma mangalusi. Dung i ninna Jesus ma tu halahi, “Anggo songon i do, Au pe inda ra paboahon tu hamu sanga sian ise Hujagit kuaso laho mambaen sisongon i.”

MATEUS 21:46

Gabe dijalahi halahi ma dalan laho manangkup Ia. Tapi mabiar muse do halahi marnida halak na bahat, angke panurirang do Jesus dietong halahi.

MARKUS 11:32

Tapi songon na so tardok do, ‘Sian Jolma.’ ” Harana, mabiar do halahi mida halak na bahat, angke panurirang do si Johannes dietong roha ni halak na bahat i.

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 20:19

Diboto angka Siboto Surat ni Jahudi dohot angka kapala ni malim i do na tu halahi tujuan ni Jesus di umpama i. Hara ni i giot tangkupon ni halahi ma Jesus, tapi mabiar halahi mida angka jolma i.

LUKAS 20:6

Tapi muda tadok, ‘Sian jolma,’ sude ma halak na bahat on mandanggur hita, harana dihaporsayai halahi sudena do, sada panurirang do anggo si Johannes.”

LUKAS 22:2

Sai dijalak-jalahi angka sintua ni malim dohot angka Siboto Surat Jahudi ma dalan mamatehon Jesus; angke mabiar do halahi mida halak na bahat i.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

BAENON NI ANGKA RASUL 5:26

Dung i kehe ma kapala ni panjago ni Bagas Ni Debata rap dohot angka pangawalnia mangalap angka rasul i mangulahi. Tapi nada pola mangasahon gogo halahi angke mabiar do halahi mida halak na bahat, betak sai lalu halahi didanggur halak na bahat i dohot batu.