MATEUS 21:24 - BIBEL JAMITA NA DENGGAN

²⁴ Dialusi Jesus ma, “Au pe Hubaen jolo sada sapa-sapa tu hamu. Muda dung dialusi hamu naron sapa-sapa on, disi pe anso Hupaboa tu hamu, sanga na sian ise Hujagit kuaso laho mambaen songon i.

MATEUS 21:24 ပူးပေါင်းရင်းမြစ်များ

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 21:25

Sian ise do dijagit si Johannes kuasonia laho mandidihon? Sian Debata do sanga sian jolma?” Jadi marpikir ma halahi di bagasan rohana mandok, “Muda tadokkon, ‘Sian Debata’, gabe dohononNia ma tu hita: ‘Anggo songon i biasi inda porsaya hamu tu si Johannes?’

LUKAS 6:9

Dung i didok Jesus ma tu halahi, “Saonnari Husapai ma hamu: Aha do na tola baenon di Ari Sabat mangihutkon Tona ni ugamonta i? Mambaen na denggan do sanga mambaen na jat? Paluahon jolma do sanga mangago?”

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.