MATEUS 21:23 - BIBEL JAMITA NA DENGGAN

²³ Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 21:23 ပူးပေါင်းရင်းမြစ်များ

HARURUAR 2:14

Dialusi halakna i ma, “Ise he mangangkat ho gabe pamimpin dohot hakim di hami? Adong he giot bunuonmu muse au, songon halak Mesir na nibunumi?” Gabe mabiar ma si Musa, ninna rohania, “Ah, madung diboto halak hape parkaro on.”

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’

MATEUS 21:24

Dialusi Jesus ma, “Au pe Hubaen jolo sada sapa-sapa tu hamu. Muda dung dialusi hamu naron sapa-sapa on, disi pe anso Hupaboa tu hamu, sanga na sian ise Hujagit kuaso laho mambaen songon i.

MATEUS 24:1

Ditinggalkon Jesus ma Bagas Ni Debata i. Marroan muse ma mandapotkon ia angka anak siseanNia patuduhon hajegeson ni Bagas Ni Debata i.

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

LUKAS 19:47

Ganop ari do mangajari Jesus di bagasan Bagas Ni Debata. Tapi anggo kapala ni malim dohot angka Siboto Surat, songon i angka bagian hatobangon ni halak Jahudi i, dijalahi halahi do dalan laho mamunu Jesus.

LUKAS 20:1

Di sada ari dompak mangajari Jesus di Bagas Ni Debata, jana dijamitahon Ia Jamita Na Denggan tu halak na bahat i, ro ma angka kapala ni malim dohot Siboto Surat dohot hatobangon tusi,

BAENON NI ANGKA RASUL 4:7

Dioban ma si Petrus dohot si Johannes mangadop tu halahi, dung i disapai halahi ma, “Markite-hite kuaso sanga markite-hite goar ni ise dehe dibaen hamu na songon i?” ninna halahi.

BAENON NI ANGKA RASUL 7:27

Tapi dionjarkon na mamukul donganna i ma si Musa tu topi, didok ia ma, ‘Ise dehe lakna mambaen ho gabe pamimpin dohot panguhum di hami?