MATEUS 21:11 - BIBEL JAMITA NA DENGGAN

¹¹ “On ma ibana panurirang Jesus na sian Nasaret na di Galilea,” ninna angka na mangudurkon Jesus.

MATEUS 21:11 ပူးပေါင်းရင်းမြစ်များ

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

MATEUS 21:10

Jadi di na masuk Jesus tu Jerusalem gaor ma na sakota i sude. “Ise dehe on?” ninna halahi ma.

MATEUS 21:26

Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”

MATEUS 21:46

Gabe dijalahi halahi ma dalan laho manangkup Ia. Tapi mabiar muse do halahi marnida halak na bahat, angke panurirang do Jesus dietong halahi.

MARKUS 6:15

Tapi angka na asing mandok si Elia do Ia, deba nari mandok, “Panurirang do Ia, sarupa dohot angka panurirang narobi.”

LUKAS 13:33

Haru pe songon i angkon laing patorusonKu do pardalananKu sadari on, ancogot dohot haduan, angke nada denggan sada panurirang dibunu di ruar ni kota Jerusalem.

LUKAS 24:19

“Aha na masa?” ninna Jesus. “I ma na masa tu Jesus halak Nasaret i,” ning halahi mangalusi. “I ma sada panurirang na markuaso situtu hataNa, dohot pambaenanNa pe margogo situtu – di jolo ni Debata dohot di jolo ni jolma pe.

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

JOHANNES 1:21

“Anggo songon i, ise dehe ho satutuna?” ninna halahi manyapai. “Sanga si Elia dehe ho?” “Nada,” ning si Johannes mangalusi. “Betak na ho do panurirang na indohan?” ning halahi manyapai. “Nada,” ning ia.

JOHANNES 1:25

Disapai halahi ma tu si Johannes, “Anggo so ho do Kristus i, nada si Elia ho, nada panurirang na indohan muse ho, biasi dipandidihon ho halak?”

JOHANNES 4:19

“Saonnari pe anso huboto, panurirang do hape Tuhan i,” ning anak boru i.

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 7:40

Bahat do halak na manangihon sanga aha na nidok ni Jesus. Jadi adong do sian halahi na mandok, “Na tutu do Ia panurirang!”

JOHANNES 9:17

Jadi hara ni i disapai halak Parise i ma sanoli nari tu bayo i, “Didok ho nangkin, Ia do na mambaen marnida matamu, antong bia do pandapotmu taringot tuSia?” “Panurirang do Ia!” ning ia mangalusi.

BAENON NI ANGKA RASUL 7:37

Laing si Musa on do na mandok tu halak Israel, ‘Lehenon ni Debata ma tu hamu sada panurirang na nipiliNia sian tonga-tongamunu sandiri, songon panodoNia di au.’