MATEUS 21:10 - BIBEL JAMITA NA DENGGAN

¹⁰ Jadi di na masuk Jesus tu Jerusalem gaor ma na sakota i sude. “Ise dehe on?” ninna halahi ma.

MATEUS 21:10 ပူးပေါင်းရင်းမြစ်များ

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

LUKAS 20:2

jana didokkon halahi ma tu Jesus, “Paboa ma di hami markite-hite kuaso ni ise do dibaen Ho na songon i? Sanga ise do na mangalehen kuaso i di Ho?”

LUKAS 5:21

Mamungka ma mangkatai na sada tu na asing angka Siboto Surat dohot angka Parise i, ninna ma, “Ise dehe na mangincahi Debata on? Ise ma he lakna na tarbaen manyesa dosa ia so hum Debata?”

LUKAS 7:49

Mamungka marsipandohonan ma angka halak na asing na dohot juguk mangan disi, “Ise dehe Indon jabat tarsesa Ia dosa?”

LUKAS 9:9

Ning si Herodes ma, “Madung hugotap ulu ni si Johannes. Tapi ise do satutuna Indon? Madung bahat nian na hubege taringot tuSia.” Gabe diusahahon ia ma giot marnida Jesus.

JOHANNES 2:18

Jadi dialo angka parkuaso ni halak Jahudi i ma Jesus. Didok halahi ma, “Baen ma jolo tanda hahomangan pabotohon tu hami paboa na adong hakMu mambaen songon on!”

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

RUT 1:19

Jadi dipatorus halahi ma pardalanan ni halahi lopus tu Betlehem. Disi lalu halahi di Betlehem, manigor gaor ma na sahuta i. Dipardokkoni angka dadaboru na disi ma, “Si Naomi dehe i?”

1 SAMUEL 16:4

Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”