MATEUS 20:34 - BIBEL JAMITA NA DENGGAN

³⁴ Ibo ma roha ni Jesus mida halahi, gabe dijama Ia ma mata ni halahi i. Manigor marnida ma halahi. Halahi pe antong dohot ma mangihutkon Jesus.

MATEUS 20:34 ပူးပေါင်းရင်းမြစ်များ

MASMUR 119:67

Na jolo somal do au manyimbil, dung diuhumi Ho, hutiop janjiMi.

MASMUR 119:71

Tutu denggan do i angke Ho do manguhumi au, anso hutanda angka hatontuan na nibaenMu.

MASMUR 145:8

O Tuhan, gok holong ni roha do Ho jana na basa, na sobar jana sai parholong roha.

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

MATEUS 15:32

Dung i dipiohon Jesus ma angka anak siseanNia i, didok Ia ma tu halahi, “Ibo do rohangKu mida halak na bahat on. Tolu ari ma halahi dison rap dohot Au. Hape so adong be sanga na aha panganon ni halahi. Nada tarpadiar Au halahi mulak anggo so jolo mangan. Gale-gale halahi naron di dalan i hara ni na tangkuraparon.”

MATEUS 20:33

Dialusi halahi ma, “Sugari marnida ma hami, Tuhan!”

MATEUS 21:1

Dung donok halahi tu Jerusalem, lalu ma halahi tu Betpage na di lambung ni Dolok Zetun. Disuru Jesus ma dua halak siseanNia i parjolo.

MATEUS 8:15

Dijama Jesus ma tanganna i, manigor mago ma arunna i. Jongjong ma ia laho mangoloi Jesus.

MATEUS 9:29

Gabe dijama Jesus ma mata ni halahi, didok ma, “Tulus ma di hamu marguru tu haporsayaanmunu!”

MATEUS 9:36

Di na niida ni Jesus halak na bahat i, ibo ma rohaNia marnida halahi, angke lebak boti gale do halahi idaon songon biri-biri na so marparmahan.

MARKUS 7:33

Dioban Jesus ma bayo i punjung sian halak na bahat i. Dibaen Jesus ma tanganNia tu pinggol ni bayo i. Dung i marsitijur ma Jesus, dijama Ia ma dila ni bayo i.

LUKAS 18:43

Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

LUKAS 22:51

Tapi didok Jesus ma, “Madung i!” Dung i dijama Ia ma pinggolna i jana dipamalum Ia.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

1 PETRUS 3:8

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.