MATEUS 20:27 - BIBEL JAMITA NA DENGGAN

²⁷ Muda adong na giot sipajoloon sian hamu, angkon gabe naposomunu do ia.

MATEUS 20:27 ပူးပေါင်းရင်းမြစ်များ

MATEUS 18:4

Anggo halak na gumodang di Harajaan Ni Banua Ginjang, i ma halak na patorukkon dirina gabe songon dakdanak on.

MATEUS 20:26

Tapi anggo hamu, nada tama songon i. Muda adong sian hamu na giot godang, angkon gabe pangoloimunu do ia.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

LUKAS 22:26

Tapi anggo hamu ulang ma songon i. Sabalikna do, halak na gumodang sian hamu angkon gabe ummenek do, jana giot gabe pamimpin angkon gabe songon pangoloi.

SURAT NI SI PAULUS TU PARLAGUTAN ROM 1:14

Angke utangku do i maradopkon sude ragam ni angka bangso, sanga pe tu bangso na maju bope tu bangso na riar dope, tu halak na sikola bope tu halak na buta hurup.

2 KORINTUS 11:5

Nada bagi na tumoruk au huhilala martimbangkon “angka rasulmunu” na luar biasa i!

2 KORINTUS 12:15

Jadi hara ni i sudena, sian jop ni rohangku ra do au mangalehen sasudena hara ni hamu, haru diringku sandiri pe ra do au pasahatkon i tu hamu. Muda songon i ma holong ni rohangku tu hamu, tama dope he laing hurang holong ni rohamunu mida au?

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.