MATEUS 20:26 - BIBEL JAMITA NA DENGGAN

²⁶ Tapi anggo hamu, nada tama songon i. Muda adong sian hamu na giot godang, angkon gabe pangoloimunu do ia.

MATEUS 20:26 ပူးပေါင်းရင်းမြစ်များ

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

MATEUS 20:27

Muda adong na giot sipajoloon sian hamu, angkon gabe naposomunu do ia.

MATEUS 25:44

Dung i dohonon ni halahi ma tuSia, ‘Andigan lakna hami ida Ho ale Tuhan male-malean sanga manguas, sanga tarpunjung di sada inganan, sanga na so marpakean, sanga marnyae, sanga tarhurung, jana nada hami urupi Ho Tuhan?’

MATEUS 27:55

Laing adong do disi angka dadaboru na manatap-natap sian na dao. Halahi ma angka dadaboru na dohot mamungka sian Galilea mangihutkon Jesus laho mangurupi Ia.

MARKUS 10:43

Tapi anggo hamu, nada tola songon i! Sanga ise na giot godang sian hamu, angkon gabe pangoloimunu ma ia.

MARKUS 10:45

Angke Anak Ni Jolma i pe, nada na giot dioloi Ia umbaen na ro. Tapi na giot mangoloi do, dohot mangalehen hosaNia gabe dalan laho paluahon bahat halak.”

MARKUS 9:35

Juguk ma Jesus. Jadi dipiohon Ia ma anak siseanNia na dua bolas halak i. Didok Ia ma tu halahi, “Sanga ise na giot parjolo, angkon ia ma parpudi jana na gabe pangoloi ni sude halak.”

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

LUKAS 22:26

Tapi anggo hamu ulang ma songon i. Sabalikna do, halak na gumodang sian hamu angkon gabe ummenek do, jana giot gabe pamimpin angkon gabe songon pangoloi.

JOHANNES 18:36

Ninna Jesus ma mangalusi, “Anggo HarajaanKu nada harajaan portibi on. Sugari na sian portibi on HarajaanKi, aloon ni angka halakKu ma anso ulang jabat nipasahat Au tu halak Jahudi. Tapi nada sian portibi on anggo HarajaanKu!”

BAENON NI ANGKA RASUL 13:5

Dung lalu di Salamis, dijamitahon halahi ma hata ni Debata di angka bagas paribadatan ni halak Jahudi. Diurupi si Johannes Markus ma halahi di pardalanan i.

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

PILEMON 1:13

Satutuna nian sai giot tioponku do ia dison gabe songon gontimu anso tarbaen ia mangurupi au salolot ditahan au di hurungan on hara ni Jamita Na Denggan i na sian Debata.

IBRANI 1:14

Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.