MATEUS 20:15 - BIBEL JAMITA NA DENGGAN

¹⁵ Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

MATEUS 20:15 ပူးပေါင်းရင်းမြစ်များ

HARURUAR 33:19

Dialusi Ia ma, “Hupatidahon pe sude sinondang ni hasangapanKu sian jolomu jana Hupaboa pe goarKu na badia i. Hulehen pe asi ni roha sanga na tu ise silehenonKu asi ni roha jana Huhaholongi ma sanga ise sihaholonganKu.”

PODA 23:6

Ulang mangan iba dohot jolma na holit. Ulang muse por roha di sipanganonnia hara ni tabona.

PODA 28:22

Halak na lobo sai giot tibu mamora, nada mamoto ia na giot ro ma tompu hapogoson tusia.

JEREMIA 18:6

“O hamu bangsongKu, na so tarbaen Au ma he lakna tu hamu songon na nibaen ni sitopa hudon i tu tano liatnia i? Songon tano liat di tangan ni sitopa hudon i, songon i do hamu di tanganKu.

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 20:14

Buat upami! Kehe ma ho! Por do rohangku mangalehen tu halak na parpudi ro i upa na sarupa dohot na hulehen di ho.

MATEUS 6:23

Tapi muda rambon do matamu, gabe golap sajo ma sude pamatangmu. Jadi muda golap do torang na di bagasan dirimi, golap gulita noma i.”

MARKUS 7:22

na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

BAENON NI ANGKA RASUL 13:45

Jadi dung diida halak Jahudi songon i, gabe mangiburu ma halahi. Diincahi halahi ma si Paulus jana dialo halahi ma sude hata na nidoknia i.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

PANGARATAION 28:54

Salang anak na mora parroha na dumenggan pe, songon i ma arsak ni rohana salolot na hona hobuk i, lopus panganonna deba sian anakna sandiri hara ni na so adong be panganon na asing.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

JAKOBUS 5:9

Ulang mungut-ungut hamu jana marsipasalaan anso ulang diuhumi Debata hamu. Ingot! Ro ma panguhum i.