MATEUS 20:14 - BIBEL JAMITA NA DENGGAN

¹⁴ Buat upami! Kehe ma ho! Por do rohangku mangalehen tu halak na parpudi ro i upa na sarupa dohot na hulehen di ho.

MATEUS 20:14 ပူးပေါင်းရင်းမြစ်များ

2 RAJA-RAJA 10:16

laing didok ia muse ma, “Beta ma anso diida ho sandiri sanga na bia hubaen laho mangoloi Tuhan.” Jadi rap markareta ma halahi tu Samaria.

MATEUS 20:13

Dialusi nampuna kobun i ma tu sahalak sian halahi, ‘Ah dongan, nada adong hubaen na so patut tu hamu. Na he na dung jolo dioloi ho do, sada hepeng perak upa ni halak na markarejo sadari?

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

MATEUS 6:16

“Dung i muda puaso hamu, ulang ma markaremut bohimunu songon halak pangalancap. Mardalani ma halahi, gale-gale idaon. Hape anso diboto halak do na puaso halahi. Ingot hamu ma! Madung dijagit halahi do sude upa ni halahi.

MATEUS 6:2

“Jadi muda dilehen hamu silehenon, ulang paboa-boa hamu i songon na nibaen ni angka halak pangalancap. Anggo halahi, tagi do mambaen na songon i di angka bagas paribadatan dohot di angka dalan godang, anso dipuji halak halahi. Ingot hamu ma! Madung dijagit halahi hian upa ni halahi.

MATEUS 6:6

Tapi muda martangiang ho, masuk ma tu bilik, kunci ma pintuna i. Disi ma ho martangiang tu Amangmu na so tarida i. Diida Ia do sanga aha na nibaenmu di na so pamotoan ni halak. LehenonNia ma upa ni i tu ho.

LUKAS 15:31

Dialusi amangna i ma, ‘O amang, anggo ho tongtong do dison rap dohot au. Sudena na adong di au, laing ho do nampuna i.

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”