MATEUS 20:12 - BIBEL JAMITA NA DENGGAN

¹² Didok halahi ma, ‘Angka dongan parkarejo na parpudi ro, hum sajom sajo do halahi karejo, jana hami sadari maningting di las ni ari i, hape sarupa ma panggararan dibaen tuan i tu halahi dohot tu hami!’

MATEUS 20:12 ပူးပေါင်းရင်းမြစ်များ

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

MATEUS 20:11

Hatiha na manjagit hepeng i halahi, mungut-ungut ma halahi tu nampuna kobun i.

LUKAS 12:55

Muda dihilala hamu ro alogo sian sabola Selatan, didok hamu do, ‘Milas ma ari.’ Jana tutu do malogo.

SURAT NI SI PAULUS TU PARLAGUTAN ROM 3:27

Antong anggo songon i, aha ma he dalanna giot margincat ni roha? Nada adong. Hara ni aha do? Hara ni pambaenan do? Nada! Tapi hara ni haporsayaan do!

SURAT NI SI PAULUS TU PARLAGUTAN ROM 3:30

Angke na sasada i do Debata, na patigorkon angka na marsunat markite-hite haporsayaan, laing songon i angka na so marsunat markite-hite haporsayaan.

1 KORINTUS 4:11

Lopus tu hatiha on, tangkuraparon do hami jana manguas; pakean pe hum na lohot di pamatang on ma; diparkanciti halak do hami; so adong inganannami;

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

JAKOBUS 1:11

Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.