MATEUS 2:7 - BIBEL JAMITA NA DENGGAN

⁷ Dung dapot Raja Herodes hatorangan i, disuru ia ma parilmu bintang na sian Habincaran i marsuo dohot ia di na buni. Dung i disapai ia ma halahi satangkas-tangkasna sanga sadihari do mamungka tarida bintang i.

MATEUS 2:7 ပူးပေါင်းရင်းမြစ်များ

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

HARURUAR 1:10

Sugari masa ma porang, aropku satahi ma halahi dohot musu i, mangalo hita, dung i tinggalkonon ni halahi ma luat on. Angkon jalahanta ma dalan laho mangambati anso ulang mur tu bahatna halahi.”

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 2:8

Dung i disuru ia ma halahi kehe tu Betlehem dung ditonai ia songon on, “Kehe ma hamu, tangkasi hamu ma satorang-torangna taringot tu Dakdanak i. Jadi dung marsuo hamu dohot Dakdanak i, paboa hamu ma tu au, anso dohot muse au ro marsomba tuSia.”

BAENON NI ANGKA RASUL 24:22

Anggo Gubernur Peliks madung bahat diboto ia hian taringot tu Dalan Ni Tuhan. Jadi dipaujung ia ma sidang i. Didok ia, “Dung ro pe komandan Lisias tuson anso huputuskon parkaromunu on.”

HALUMBAAN 12:15

Gabe dibursikkon naga i ma aek na bahatan sian pamangannia tu dadaboru i laho mangayupsa.

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”