MATEUS 2:6 - BIBEL JAMITA NA DENGGAN

⁶ ‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

MATEUS 2:6 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

1 JUJUR TAON 2:51

Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.

1 JUJUR TAON 5:2

Tapi sian sudena pomparan ni si Jakob Marga Juda ma na gumogo jana angka raja ni bangso Israel pe marasal sian marga i muse do.)

ESRA 2:21

Dohot do muse sian habuangan angka pomparan ni ompungna na marbona bulu di angka kota na mangihut on: Kota Betlehem – 123 Netofa – 56 Anatot – 128 Asmawet – 42 Kiryat-Arim, Kefira dohot Beerot – 743 Rama dohot Geba – 621 Mikmas – 122 Betel dohot Ai – 223 Nebo – 52 Magbis – 156 Elam na asing – 1.254 Harim – 320 Lod, Hadid dohot Ono – 725 Jeriko – 345 Senaa – 3.630

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

BILANGAN 24:19

Musu ni Israel sude ditaluhon nada adong na tinggal umpe sada.”

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

JOHANNES 21:16

Didok Jesus ma tusia padua-nolihon, “O Simon anak ni si Jona! Holong do rohamu mida Au?” ning Ia. Dialusi si Petrus ma, “Olo Tuhan. Diboto Ho do holong ni rohangku tu Ho.” Didok Jesus ma tusia, “Antong parmahani ma biri-biringKu!”

JOHANNES 7:42

Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

EPESUS 1:22

Ditaluhon Debata do sasudena tu toru ni kuaso ni Kristus, jana dibaen Ia do Kristus gabe ulu ni sasudena na adong di parlagutan ni Tuhan.

KOLOSSE 1:18

Ia do ulu ni pamatang i, i ma parlagutan i, angke Ia do na mangalehen ngolu tu parlagutan i. Ia do siangkaan na dipangolu mangulahi sian hamatean, hara ni i muse ma umbaen na gabe Ia na umporlu sian sasudena na adong.

IBRANI 7:14

Sude do halak mamboto i, na sian Marga Juda do anggo asal ni Tuhanta i; jana si Musa pe nada jungada didok ia marga on muda hatiha manaringoti angka malim ia.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 2:27

Jana mamarenta ma ia tu halahi dohot tungkot bosi; dohot mangabiskon bangso i songon na manapor-napor hudon tano – dos songon na Hujagit sian Damang.

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”