MATEUS 2:2 - BIBEL JAMITA NA DENGGAN

² Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

MATEUS 2:2 ပူးပေါင်းရင်းမြစ်များ

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

JESAYA 60:3

Marroan ma angka bangso tu hatiuranmu, tartarik ma angka raja hara ni habibincarmu na imbaru.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 30:9

Mangoloi noma halahi tu Au Tuhan Debata ni halahi, dohot tu sada halak sian pomparan ni si Daud na giot angkatonKu gabe raja.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

MATEUS 27:11

Jongjong ma Jesus di adopan ni si Latus, gubernur ni luat i. Disapai si Latus ma, “Raja ni halak Jahudi dehe Ho?” “Olo, tutu ma songon na nidokmi,” ninna Jesus mangalusi.

LUKAS 19:38

Jana didokkon halahi ma, “Dipasupasu ma Raja i na ro markite-hite goar ni Tuhan! Hasonangan ma di banua ginjang jana hamuliaon ma di inganan na gumincat i!”

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 23:3

Dung i disapai si Latus ma tu Jesus, “Atehe, tutu do Ho Raja ni halak Jahudi?” Dialusi Jesus ma, “Songon na nidok ni tuan i, tutu do i.”

LUKAS 23:38

Di ginjang ni parsilang ni Jesus tarsurat do angka pandohan on, “On ma Raja Ni Halak Jahudi.”

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 12:13

Dung i diparrampingkon halahi ma mare-mare, kehe ma halahi mangalo-alo Jesus. Marsurahi ma halahi, “Hosana! Dipasupasu ma Ia na ro di bagasan goar ni Tuhan, Raja ni Israel!”

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 19:19

Di hayu parsilang ni Jesus, disuru si Latus ma dibaen surat songon on, “Jesus na sian Nasaret Raja Ni halak Jahudi.”

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 9:38

“Porsaya do au Tuhan!” ninna bayo i, dung i manungkap ma ia marsomba di jolo ni Jesus.

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”