MATEUS 2:16 - BIBEL JAMITA NA DENGGAN

¹⁶ Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 2:16 ပူးပေါင်းရင်းမြစ်များ

PAMUNGKAAN 39:14

dipiohon ripe ni si Potifar i ma angka parhobas ni bagas i jana didok ia ma, “Ligi hamu ma indon! Mambaen layas do tu hita halak Ibrani na nioban ni halaklahingki tu bagas on. Masuk ma ia antong tu kamarku jana dicubo ia ma mambaen na so ture tu au, tapi marsurak au sagogongku.

PAMUNGKAAN 39:17

Jadi laing dicaritohon ia ma carito i tu halaklahinia i, ning ia, “Halak Ibrani na niobanmi tu bagas on, masuk tu kamarku jana dipalayas ia au.

PAMUNGKAAN 49:7

Hona bura ma halahi di rimasna, hara ni jorbutna. Hona bura ma halahi di rimasna, hara ni kejamna. Paserahonku ma halahi di sude Israel. Sarsarkononku ma halahi, di tonga-tonga ni halak pangisina.

2 RAJA-RAJA 8:12

“Biasi tangis tuan i?” ning si Hasael manyapai. “Angke huboto do hajahatan na giot baenonmu tu halak Israel,” ning si Elisa. “Giot surbuonmu ma angka kotana na martembok, bunuonmu ma angka halak na poso na jumogi, pingkohanmu ma angka dakdanak na baru sorang jana bolaanmu ma butuha ni angka ina na denggan pamatangna.”

JOB 12:4

Sipartataan ni dongan au dohot ale-ale, hape tigor do iba so marsala. Najolo dialusi Debata do tangiangniba, muda mangido tolong iba tuSia.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

PODA 28:17

Halak na mamunu jolma, na mangkojar hamatean do i, ulang ma adong na manolong ia.

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

JESAYA 59:7

Sai matua na mambaen sangkap na jahat do hamu jana mopop laho mandalankonsa. Nada jungada sak rohamunu mamunu halak na so marsala. Sanga na tu dia hamu kehe, matua na manderetkon hasesego ma hamu dohot hamamago.

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

HOSEA 10:14

gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

BILANGAN 22:29

Dialusi si Bileam ma, “Dibaen dipaoto-oto ho au! Sugari adong podang di au angkon mate ho hubunu!”

BILANGAN 24:10

Mardongan muruk dipahibul si Balak ma tenjunia lalu ning ia tu si Bileam, “Hupio pe ho laho mamurai musungku do, hape gabe dipasupasu ho do halahi pola tolu noli.

MATEUS 2:1

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 2:17

Tarjadi ma na dung didok ni Panurirang Jeremia songon on:

MATEUS 2:7

Dung dapot Raja Herodes hatorangan i, disuru ia ma parilmu bintang na sian Habincaran i marsuo dohot ia di na buni. Dung i disapai ia ma halahi satangkas-tangkasna sanga sadihari do mamungka tarida bintang i.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

HAKIM-HAKIM 16:10

Dung i didok si Delila ma tu si Simson, “Ah, margabus do ho! Dipargonjak ho sajo do au. Tole ma da, caritohon ma antong tu au sanga na aha do baenon panambatmu!”