MATEUS 2:15 - BIBEL JAMITA NA DENGGAN

¹⁵ Disi ma halahi maringanan lopus mate si Herodes. Songon i ma tarjadi anso laing tulus hata ni Tuhan markite-hite panurirang na mandok, “Sian tano Mesir do Hupio anakKi.”

MATEUS 2:15 ပူးပေါင်းရင်းမြစ်များ

HARURUAR 4:22

Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

HOSEA 11:1

Didok Tuhan ma, “Huhaholongi do Israel mamungka sian hamenehannia, Hupio anakKi ruar sian Mesir.

BILANGAN 24:8

Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

MATEUS 1:22

Tulus pe songon i sudena, anso laing tulus do muse sanga aha na nidok ni Tuhan marhite panurirangNa, na mandok songon on,

MATEUS 2:14

Tarsunggul ma si Josep, dioban ma Dakdanak i dohot inangNa i mangungsi tu tano Mesir, laing borngin i.

MATEUS 2:17

Tarjadi ma na dung didok ni Panurirang Jeremia songon on:

MATEUS 2:19

Dung mate si Herodes, diida si Josep ma mangulahi sahalak surusuruan di bagasan nipinia.

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

MATEUS 21:4

Umbaen na songon i pe i, anso laing tulus do na nidok ni panurirang, na mandok songon on,

MATEUS 26:54

Tapi muda songon i, dia ma tulus tarjadi na nipaboa ni Buku Na Badia i hian, na angkon tarjadi songon na masa sadari on?”

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

MATEUS 27:35

Dung i diparsilangkon halahi ma Ia. Mardadu ma halahi laho mambagi-bagi abitNia i.

MATEUS 8:17

Di na nibaen ni Jesus sudena i gabe hasongtian ma na nidok ni Panurirang Jesaya na mandok songon on, “Diporsan Ia do sude pardangolanta, dipamalum Ia do sude nyaenta.”

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

JOHANNES 19:36

Umbaen na songon i pe i, anso laing tulus do tarjadi na tarsurat di Buku Na Badia i, i ma, “Umpe sada sian holi-holiNa i na niponggol.”

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.