MATEUS 19:9 - BIBEL JAMITA NA DENGGAN

⁹ Jadi, tangihon hamu ma on: Halak na manyirangkon dadaboruna, anggo so hara ni na manyimbil dadaborunia i, hape dibuat ia muse boru na asing, na markarosuan do sisongon i.”

MATEUS 19:9 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

2 JUJUR TAON 21:11

Mur dipajongjong ia muse dope tehe angka inganan parsombaan ni gana-ganaan na di luat partoran Juda, jana hara ni ia gabe mardosa ma rayat ni Juda dohot Jerusalem tu Tuhan.

JEREMIA 3:1

Didok Tuhan, “Muda disirangkon halaklahina sada dadaboru, lalu marbagas anak boru i tu bayo na asing, nada tola be halaklahina i humani mambuat dadaboru i mangulahi gabe ripena, angke pasego-segohon do pangalaho na songon i di luat on. Antong ho ale Israel, madung bahat sajo haholongan ni rohamu, biasi dope puluk ho mulak tu Au?

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

JEHESKIEL 16:15

Hape diparsayang ho hajogian ni rupami dohot hahuskuson ni goarmi. Modom do ho dohot halaklahi pamolus sanga na bia pe i.

JEHESKIEL 16:29

Dung i gabe diangkupi halak Babel parboniaga i ma ho marhamainan. Tapi halahi pe nada tuk mangalehen sombu ni rohamu.”

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

MATEUS 19:10

Gabe didok anak siseanNia i ma tu Jesus, “Anggo gabe songon i noma halak na marsaripe, gumonan ma indangkon sai mambuat boru.”

MATEUS 19:8

Dialusi Jesus ma, “Dipatola si Musa pe hamu manyirangkon dadaborumunu, hara ni na mamaoltu do hamu ajaron. Tapi anggo di mulana nada songon i.

MATEUS 5:32

Tapi anggo saonnari Au mandok di hamu: Sanga ise na manyirangkon dadaboruna, asing ni na manyimbil dadaborunia i, bayo i do na mambaen gabe markarosuan dadaborunia i, muda marbagas ma anakboru i. Bayo na mambuat anakboru na songon i pe dohot do i markarosuan.”

LUKAS 16:18

Angka halak na manyirangkon dadaboruna jana mambuat boru na asing ia, na mangalangkup do i. Jana halaklahi na mambuat dadaboru na dung disirangkon i pe, na mangalangkup muse do i.”

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

1 KORINTUS 7:39

Muda adong sada dadaboru na marbagas, salolot mangolu halaklahina i tarihot ma ia tusi. Tapi muda dung jumolo halaklahina i, tola do ia marbagas mangulahi tu halaklahi por ni rohania; asal ma parsaripeon ni halak Kristen parsaripeon i.

1 KORINTUS 7:4

Nada roha-roha ni dadaboru i be di dirina sandiri, halaklahinia noma na markuaso tusia. Songon i muse halaklahi i, nada markuaso be ia di dirinia sandiri; daborunia i noma na markuaso disia.