MATEUS 19:7 - BIBEL JAMITA NA DENGGAN

⁷ Dung i disapai halak Parise i ma mangulahi tuSia, “Antong anggo songon i, biasi disuru si Musa halak mangalehen surat sirang tu dadaboru na giot sirangkonon? Na he na manyirangkon dadaboruna do muda na songon i?”

MATEUS 19:7 ပူးပေါင်းရင်းမြစ်များ

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JEREMIA 3:8

Diligi ia, hara ni na manggampang ia madung Husirangkon Israel, dadaboru na murtad i, jana mangalehen tusia surat sirang: Tapi Juda, ibotonia dadaboru na so setia i nada mabiar, jana ia sandiri pe kehe do manggampang.

MALEAKI 2:16

“Huhagigihon do parsirangan,” ninna Tuhan Debata ni Israel. “Goyak do rohangKu muda adong sahalak sian hamu na mambaen songon i jungkatna maradopkon dongan saripena. Manat ma hamu, ulang langgar hamu janjimunu na mandok burju tu dongan saripena.”

MATEUS 1:19

Halak na burju do si Josep tunangannia i. Jadi giot antahonnia ma parhataan na tu si Maria. Giot sipsip do ninna rohania baenonnia songon i, angke inda jop rohania laho pailahon si Maria di jolo ni halak na bahat.

MATEUS 19:6

Jadi nada dua halak be halahi tapi sada noma. Hara ni i do umbaen na so tola sirangon ni jolma, na dung nipadomu ni Debata.”

MATEUS 19:8

Dialusi Jesus ma, “Dipatola si Musa pe hamu manyirangkon dadaborumunu, hara ni na mamaoltu do hamu ajaron. Tapi anggo di mulana nada songon i.

MATEUS 5:31

“Adong muse do pangajaran songon on: Ganop halak na manyirangkon dadaboruna, angkon lehenonnia do surat sirang tusia.

MARKUS 10:4

“Anggo si Musa, dipatola ia do manyirangkon dadaboru, asal ma jolo dibaen surat sirangna,” ninna halahi mangalusi.