MATEUS 19:6 - BIBEL JAMITA NA DENGGAN

⁶ Jadi nada dua halak be halahi tapi sada noma. Hara ni i do umbaen na so tola sirangon ni jolma, na dung nipadomu ni Debata.”

MATEUS 19:6 ပူးပေါင်းရင်းမြစ်များ

PODA 2:17

Dadaboru na so setia do i tu halaklahina sandiri jana madung dihalupahon ia janjina tu Debata.

MALEAKI 2:14

Sapa-sapa hamu sanga hara ni aha umbaen na so dijagit Ia angka haulmunu. Anggo dalanna i ma hara ni na niboto ni Tuhan do na manguba janji hamu dohot dadaborumunu na dibuatmunu taran di haposoonmu. Anak boru i ma dongamunu sahangoluan, hape diose hamu do janjimunu tusia. Haru pe na dung marsumpa hamunu di jolo ni Debata mandok tongtong burju ho tusia.

MALEAKI 2:16

“Huhagigihon do parsirangan,” ninna Tuhan Debata ni Israel. “Goyak do rohangKu muda adong sahalak sian hamu na mambaen songon i jungkatna maradopkon dongan saripena. Manat ma hamu, ulang langgar hamu janjimunu na mandok burju tu dongan saripena.”

MATEUS 19:5

Dung i didok Ia ma, ‘Hara ni i angkon tinggalkonon ni halaklahi ma inangna dohot amangna gabe marsada dohot daboruna anso gabe sada na dua i.’

MATEUS 19:7

Dung i disapai halak Parise i ma mangulahi tuSia, “Antong anggo songon i, biasi disuru si Musa halak mangalehen surat sirang tu dadaboru na giot sirangkonon? Na he na manyirangkon dadaboruna do muda na songon i?”

MARKUS 10:9

Hara ni i ma umbaen na so tola sirangon ni jolma halak na dung dipadomu ni Debata!”

SURAT NI SI PAULUS TU PARLAGUTAN ROM 7:2

Umpamana, tunduk do sada dadaboru tu halaklahinia mangihutkon Tona salolot mangolu dope halaklahinia i. Tapi muda mate do halaklahinia i, malua ma ia sian ihot-ihot ni Tona na mangihoti ia tu halaklahinia i.

EPESUS 5:28

Laing songon i ma halaklahi i angkon mangkaholongi dadaboruna songon pamatangnia sandiri. Sanga ise na mangkaholongi dadaboruna, i do na mangkaholongi dirina sandiri. (

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.