MATEUS 19:5 - BIBEL JAMITA NA DENGGAN

⁵ Dung i didok Ia ma, ‘Hara ni i angkon tinggalkonon ni halaklahi ma inangna dohot amangna gabe marsada dohot daboruna anso gabe sada na dua i.’

MATEUS 19:5 ပူးပေါင်းရင်းမြစ်များ

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

2 SAMUEL 1:26

O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

1 RAJA-RAJA 11:2

Hape madung ditonahon Tuhan na so tola anggo halak Israel marsibuatan dohot angka bangso na asing i, harana gabe dohot do halak Israel baenon ni i mangkaholongi angka debata na asing i. Hape, laing dipambuati si Salomo do angka boru na asing i.

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

MASMUR 63:8

Hutiop Ho togu, malua au hara ni hagogoon ni tanganMu.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

MATEUS 19:6

Jadi nada dua halak be halahi tapi sada noma. Hara ni i do umbaen na so tola sirangon ni jolma, na dung nipadomu ni Debata.”

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

1 KORINTUS 6:16

Aropku inda diboto hamu dope, sanga ise na marhamainan dohot sada halak panggampang, na dung gabe sada do ia dohot panggampang i! Harana tarsurat do, “Gabe sada ma na dua halak i.”

1 KORINTUS 7:2

Tapi anso ulang targoda di angka pangalaho na markarosuan, dumenggan do ganop halaklahi adong be dadaboruna, bope dadaboru adong be halaklahina sandiri.

1 KORINTUS 7:4

Nada roha-roha ni dadaboru i be di dirina sandiri, halaklahinia noma na markuaso tusia. Songon i muse halaklahi i, nada markuaso be ia di dirinia sandiri; daborunia i noma na markuaso disia.

EPESUS 5:31

Di Buku Na Badia i tarsurat do, “Hara ni i do umbaen ditadingkon halaklahi amangna dohot inangna laho parayakkon dadaboruna, jadi gabe sada ma halahi na dua.”

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 11:22

Haburjuhon hamu ma mangoloi angka aturan na Hulehen i tu hamu: Haholongi hamu ma Tuhan Debatamunu i, patulus hamu ma sandok na niparentahonNia tu hamu, sai hot ma hamu setia tuSia.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

1 SAMUEL 25:43

Painte so i, na dung dibuat si Daud do si Ahinoam sian Jisreel gabe dadaborunia, jana saonnari dohot muse ma si Abigail gabe dadaborunia.