MATEUS 19:23 - BIBEL JAMITA NA DENGGAN

²³ Jadi didok Jesus ma tu angka anak siseanNia i, “Hudok ma di hamu, na maolan do halak na kayo laho masuk tu Harajaan Ni Banua Ginjang.

MATEUS 19:23 ပူးပေါင်းရင်းမြစ်များ

PODA 11:28

Na mangasahon sinadongan, madabu songon bulung na marulam; halak na daulat makombang songon tunas na haloyokanna.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 19:22

Dung dibege doli-doli i hata nangkinan i, kehe ma ia mardongan arsak. Angke halak na kayo do ia.

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.

MATEUS 5:20

Jadi Hudok ma tu hamu: Muda nada sumurung hatigoranmu sian hatigoran ni angka Parise dohot Siboto Surat, nada tarbaen hamu masuk tu Harajaan Ni Banua Ginjang.”

MARKUS 10:23

Dung i dipanotnoti Jesus ma angka siseanNia i didok Ia ma tu halahi, “Na maol do anggo halak na kayo masuk tu Harajaan Ni Debata!”

LUKAS 18:24

Dung i diligi Jesus ma ia, jana didok, “Na maol ma sahalak na mora masuk tu Harajaan Ni Debata!

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

1 KORINTUS 1:26

Hamu ale angka dongan! Ligi hamu ma jolo sanga na tarbia pangalahomunu di na nipiohon ni Debata hamu. Hum saotik do sian hamu na malo, sanga na markuaso sanga na marpangkat na gincat mangihutkon panatapan ni jolma.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!