MATEUS 19:21 - BIBEL JAMITA NA DENGGAN

²¹ Didok Jesus ma tusia, “Muda por rohamu gabe sun denggan ho, kehe ma ho manggadis sude sinadonganmu. Lehen ma hepengna i tu angka na pogos, dung i dapot ho ma arta di banua ginjang. Dung i ro ma ho tuson ihutkon ma Au!”

MATEUS 19:21 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

MASMUR 37:37

Parrohahon ma halak na burju roha jana partigor, halak na dame, sai adong do siarapkononna.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 19:20

“Anggo parenta na songon i do, madung hupatulus do i,” ning doli-doli i, “Aha dope na porlu?”

MATEUS 19:22

Dung dibege doli-doli i hata nangkinan i, kehe ma ia mardongan arsak. Angke halak na kayo do ia.

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 4:19

Didok Jesus ma tu halahi, “Beta, ihutkon hamu Au, baenonKu ma hamu sijala jolma.”

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

MATEUS 8:22

Tapi dialusi Jesus ma, “Ihutkon ma Au, jana padiar ma halak na mate manguburkon na matena sandiri,” ning Ia.

MATEUS 9:9

Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.

MARKUS 10:21

Dipanotnoti Jesus ma bayo i hara ni holong ni rohaNia midasa. Didok Ia ma, “Hum sada nari noma pangalaho na porlu di ho. Kehe ma ho manggadis sude sinadonganmu. Lehen ma hepengna i tu angka halak na pogos, dung i gabe adong ma dapot ho arta na di banua ginjang. Dung i ro ma ho mangihutkon Au!”

MARKUS 2:14

Hatiha na mardalan i Ia disi, tarpaida Ia ma sahalak sipanjagit pajak na margoar si Levi anak ni si Alfeus. Topet do hatiha juguk si Levi di kantornia. Didok Jesus ma tusia, “Ihutkon ma Au!” Jongjong ma ia, gabe diihutkon Jesus.

MARKUS 8:34

Dung i dipiohon Jesus ma halak na bahat na disi rap dohot angka anak siseanNia i. Didok Ia ma tu halahi, “Muda adong sanga ise na giot mangihutkon Au, angkon disoadahon ia do dirina. Dung i diporsan ia ma parsilangnia baru pe anso diihutkon ia Au.

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 14:33

Ujungna ninna Jesus ma, “Laing songon i ma hamu. Umpe sahalak sian hamu tarbaen gabe siihutkon Au, anggo so tartinggalkon ia do sasude na adong disia.”

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

LUKAS 5:27

Dung i kehe ma Jesus, diida Ia ma sada halak sitagi pajak na margoar si Levi na juguk di parbeoan. Didok Jesus ma tusia, “Ihutkon ma Au.”

LUKAS 6:40

Nada adong sisean na gumodang sian guruna. Tapi muda dung tammat marsiajar sisean i, na giot sarupa ma i dohot gurunia i.”

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

BAENON NI ANGKA RASUL 2:45

Digadisi halahi ma angka barang dohot sinadongan ni halahi, jana dibagi-bagihon halahi ma hepengna i di halahi sudena marguru tu haporluanna be.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.